ID Collect өз секторында алғашқы көміртегі бейтарап компания атанды

Бүгінгі таңда жаһандық климаттың өзгеруіне әкелетін негізгі теріс факторлардың бірі «көміртегі ізі» болып табылады — бұл адамзат атмосфераға шығаратын парниктік газдар, атап айтқанда метан, азот оксиді және көмірқышқыл газы (СО2). Атмосферада осы заттардың концентрациясы жоғарылаған сайын оның қасиеттері өзгереді, бұл орташа температураның жоғарылауына, климаттық сипаттағы әртүрлі катаклизмдерге және табиғи экожүйенің бұзылуына әкеледі. Климаттың өзгеруі-бұл әрқайсымыздың өмірімізге әсер ететін жаһандық қауіп. Сондықтан бұл бағытта барлығы — адамдар, кәсіпорындар, ұйымдар, үкіметтер бірлесіп әрекет етуі өте маңызды.

Заманауи және алдыңғы қатарлы тәсілдеме тек технологиялылық деңгейінде ғана компанияның ДНҚ бөлігі болып табылмайды — бұл жолы «ID Collect (АйДиКоллект)» КА» ЖШС (IDF Eurasia тобына кіреді) бизнес ретіндегі көшбасшылығы мен жауапкершілігі, оның парниктік газдар шығарындыларының жаһандық проблемасына қарсы тұрудағы үлесінде көрініс тапты.

Сөйтіп, тұрақты даму және әлеуметтік жауапкершілік стратегиясын іске асыру шеңберінде Топ қызметінің нәтижесінде түзілетін зиянды шығарындылар көлеміне тәуелсіз бағалау жүргізілді. Көміртекті тексеруді Carbon Footprint Ltd компаниясы жүргізді. Талдау көрсеткендей, операциялық қызмет барысында қоршаған ортаға жасалатын әсердің 40% — ы жұмыс бабында қызметкерлердің авиаұшуларына келеді, қалған 60% — ы Топ кеңселерінің электр энергиясын пайдалануы нәтижесінде қалыптасады.

Қоршаған ортаға тигізетін кері әсерді өтеу мақсатында IDF Eurasia CarbonFootprintLtd ұсынған және тұрақты дамуға бағытталған түрлі елдерде іске асырылып жатқан бірқатар жобаларға қосылды. Атап айтқанда, компания күн панельдерін орнатуды қаржыландыруды бастады, бұл жергілікті халыққа күн энергиясын күнделікті қажеттіліктер үшін СО2 шығарындыларын болдырмай, қазбалы отынның орнына пайдалануға мүмкіндік береді. Жобаға қатысу операциялық қызмет барысында өндірілген көмірқышқыл газының көлемін толық көлемде өтеуге (жүргізілген талдау қорытындылары бойынша есептеулерге сүйене отырып) мүмкіндік береді.

Сонымен қатар, IDF Eurasia өзінің күнделікті жұмысындағы өзгерістер есебінен көмірқышқыл газының шығарылуын азайту бағытында жұмыс жүргізетін болады. Осылайша, жеке кездесулерге қатысты бейнеконференциялардың басымдығы енгізілді, бұл әртүрлі көліктерді пайдалану барысында пайда болатын шығарындылар көлемін азайтуға мүмкіндік береді. Сондай-ақ, компания кеңседегі бір реттік пластикалық ыдыстардан бас тартты, қалдықтарды бөлек жинауды тұрақты негізде енгізді және ішкі электрондық құжат айналымы жүйесіне толығымен көшті, бұл қағаз тасымалдағыштарды пайдалануды азайтуға мүмкіндік береді. Өз кезегінде қызметкерлермен, атап айтқанда, қоршаған ортаны қорғаудың озық әдістерін қолдануға қатысты ағарту жұмыстары жүргізілді. Сонымен қатар, Топтың жоспарында болашақта тұрақты энергетикалық ресурстар мен технологияларға біртіндеп көшу бар.

Осылайша, Ресей мен Қазақстан аумағында IDF Eurasia өз секторында өзінің «көміртегі ізін» өтейтін және СО2 шығарындылары тұрғысынан өзін бейтарап деп атай алатын алғашқы компания болды.